२०८३ असोज ८ गते १३:३४ 
News Summary
Generated by OK AI. Editorially reviewed.- २०औं एसियन गेम्सअन्तर्गत पुरुष क्रिकेटको समूह बीमा मलेसियाले हङकङलाई ८ विकेटले पराजित गरेको छ।
- ८२ रनको लक्ष्य मलेसियाले १२ ओभरमा २ विकेट गुमाएर पूरा गर्यो, मुहम्मद स्याहादत रामलीले ३६ र विरानदीप सिंहले ३२ रन बनाए।
- हङकङले पहिले ब्याटिङ गर्दै २० ओभरमा ९ विकेट गुमाएर ८१ रन बनायो, जसमा शिव माथुरले सर्वाधिक २९ रन बनाए।
८ असोज, काठमाडौं । २०औं एसियन गेम्स अन्तर्गत पुरुष क्रिकेटको आफ्नो पहिलो खेलमा मलेसियाले हङकङलाई पराजित गरेको छ ।
समूह ‘बी’ अन्तर्गतको खेलमा मलेसियाले हङकङलाई ८ विकेटले पराजित गरेको हो । ८२ रनको लक्ष्य मलेसियाले १२ ओभरमा २ विकेटको क्षतिमा पूरा गर्यो ।
मलेसियाका मुहम्मद स्याहादत रामली ३६ तथा विरानदीप सिंह ३२ रनमा अविजित रहे । हङकङका नसरुल्ला रानाले २ विकेट लिए ।
त्यसअघि टस जितेर पहिले ब्याटिङको निम्तो पाएको हङकङले २० ओभरमा ९ विकेट गुमाएर ८१ रन बनाएको थियो ।
शिव माथुरले सर्वाधिक २९ रन बनाए भने निजाकात खानले १९ रन बनाए ।
मलेसियाका पवनदीप सिंह र मुहम्मद आमिर अजिमले ३-३ विकेट लिँदा साइद अजिल, मोहम्मद वफिक र विरानदीप सिंहले १-१ विकेट लिए ।
यसअघि आजै बिहान सम्पन्न समूह ‘ए’ को खेलमा अफगानिस्तानले जापानलाई हराएको थियो ।
भोलि शुक्रबार ओमान र हङकङ तथा नेपाल र अफगानिस्तानबीच खेल हुनेछ । त्यसपछि शनिबार नेपालले जापानसँग खेल्नेछ ।
प्रतिक्रिया 4