२०८३ असोज २५ गते १४:४७ 
News Summary
Generated by OK AI. Editorially reviewed.- रोहित पौडेलको १०१ रनमा नेपालले ओमान क्रिकेट एकेडेमी टर्फ १ मा क्यानडालाई २३६ रनको लक्ष्य दिएको छ।
- नेपालले ५० ओभरमा सबै विकेट गुमाएर २३५ रन बनायो, जसमा गुल्शन झाले ४८ र अर्जुन कुमालले २३ रन बनाए।
- ओमानले क्यानडालाई हराएपछि नेपालको शीर्ष ४ मा पुग्ने सम्भावना सकिएको छ र अब ध्यान ओडीआई स्टाटस जोगाउनेतर्फ छ।
२५ असोज, काठमाडौं । रोहित पौडेलको शतक मद्दतमा नेपालले आईसीसी क्रिकेट विश्वकप लिग २ अन्तर्गत भइरहेको ओडीआई शृङ्खलाको आफ्नो पहिलो खेलमा क्यानडालाई २३६ रनको लक्ष्य दिएको छ ।
ओमान क्रिकेट एकेडेमी टर्फ १ मा टस हारेर पहिले ब्याटिङको निम्तो पाएको नेपालले ५० ओभरमा सबै विकेट गुमाएर २३५ रन बनाएको हो ।
रोहितले सर्वाधिक १०१ रन बनाए । १२७ बल खेलेका उनले ८ चौका र १ छक्का प्रहार गरे । गुल्शन झाले ३४ बलमा ४८ रनको क्यामिओ पारी खेले । अर्जुन कुमालले २३ रन बनाए ।
क्यानडाका लागि अखिल कुमारले ४ विकेट लिए भने सुख्जिन्दर सिंहले ३ विकेट लिँदा जहिर शिर्जादले २ विकेट लिए ।
लिग २ को अन्तिम शृङ्खला खेलिरहेका दुवै टोलीका लागि यो महत्त्वपूर्ण छ । यो शृङ्खलाको पहिलो खेलमा ओमानले क्यानडालाई हराएको थियो ।
ओमानले क्यानडालाई हराएपछि नेपालको शीर्ष ४ मा पर्ने सम्भावना सकिएको छ । अब नेपालको ध्यान ओडीआई स्टाटस बचाउनेतर्फ हुनेछ ।
लिग २ अंकतालिकामा नेपाल ३२ खेलबाट २४ अंकसहित सातौं स्थानमा छ भने क्यानडा ३३ खेलबाट २५ अंकसहित छैटौंमा छ ।
प्रतिक्रिया 4