News Summary
Generated by OK AI. Editorially reviewed.- सूचीकृत १३ हाइड्रोपावर कम्पनीले सेयरधनीका लागि ५ देखि २४ प्रतिशतसम्म लाभांश घोषणा गरेका छन् ।
- अधिकांश हाइड्रोपावर कम्पनीले नगदभन्दा बोनस सेयरलाई प्राथमिकता दिएका छन् ।
- बुक क्लोज भइसकेका ७ कम्पनीको सेयर खरिदमा यो वर्ष लाभांश पाइने छैन ।
२७ असोज, काठमाडौं । हालसम्म सूचीकृत १३ हाइड्रोपावर कम्पनीले सेयरधनीका लागि लाभांश घोषणा गरेका छन् ।
कम्पनीहरूले नगद वा बोनस सेयर वा दुबै लाभांश घोषणा गर्न सक्छन् । अधिकांश जलविद्युत् कम्पनीले बोनस सेयरलाई प्राथमिकता दिएका छन् । १ प्रतिशत वा सोभन्दा कम नगद लाभांश कर प्रयोजनका लागि मात्रै हुनेछ । हाइड्रोपावर कम्पनीले सेयरधनीलाई ५ देखि २४ प्रतिशतसम्म लाभांश घोषणा गरेका छन् ।
कम्पनीहरूले घोषणा गरेको लाभांश पाउनका लागि ‘बुक क्लोज’भन्दा अघिल्लो दिनसम्म सेयर होल्ड वा खरिद भएको हुनुपर्छ । बुक क्लोज भइसकेका कम्पनीको सेयर खरिद गर्दा भने यो वर्ष लाभांश पाइने छैन । लाभांश घोषणा गरेकामध्ये ७ कम्पनीको बुक क्लोज सम्पन्न भइसकेको छ । यी ७ कम्पनीको सेयर खरिदमा यो वर्ष लाभांश पाइने छैन ।
कम्पनीहरुले घोषणा गरेको लाभांश साधारणसभाबाट स्वीकृत भएपश्चात नगद लाभांश बैंक खातामा जम्मा हुने गरेको छ । त्यस्तै बोनस सेयरका हकमा भने बोर्डमा दर्ता गर्ने, नेप्सेमा सूचीकृत गर्ने लगायत प्रक्रिया पूरा गर्नुपर्ने भएकाले केही अतिरिक्त समय लाग्ने गरेको छ ।
कुन हाइड्रोपावर कम्पनीको लाभांश कति ?
| कम्पनी | बोनस सेयर | नगद लाभांश | बुक क्लोज |
| माउन्टेन इनर्जी | २० | १.०५ | कात्तिक १० |
| बरुण हाइड्रोपावर | ४.७५ | ०.२५ | कात्तिक ११ |
| कुथेली बुखरी स्मल | १८ | ०.९४ | घोषणा बाँकी |
| सिक्लेस हाइड्रोपावर | १२.७० | ०.६७ | घोषणा बाँकी |
| रिजलाइन इनर्जी | १०.५३ | सम्पन्न | |
| सानिमा मिडिल तमोर | ५.२६ | सम्पन्न | |
| मिड सोलु हाइड्रोपावर | १५ | ०.७८ | घोषणा बाँकी |
| विकास हाइड्रोपावर | १० | ०.५२ | सम्पन्न |
| स्नो रिभर्स | १० | ०.५२ | सम्पन्न |
| अरुणभ्याली हाइड्रोपावर | ५ | ०.२६ | सम्पन्न |
| युनाइटेड इदी मर्दी | ५ | ०.२६ | घोषणा बाँकी |
| सुपर मादी | १५ | ०.७८९ | सम्पन्न |
| मान्डु हाइड्रोपावर | १२ | १२ | सम्पन्न |
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4