२५ असोज, काठमाडौं । नवनियुक्त उपप्रधानमन्त्री विजयकुमार गच्छदारले तराई–मधेसमा जारी आन्दोलनका माग सम्बोधनका लागि संघीयताको संरचनामा हेरफेरसहित संविधान संशोधन गरिने बताएका छन् ।
शपथग्रहणपछि पत्रकारसँग प्रतिक्रिया दिँदै फोरम लोकतान्त्रिकका अध्यक्ष समेत रहेका गच्छदारले मधेसी, थारू र जनजातिसँगको छलफलमा आवश्यकताअनुसार संघीयताको सङ्ख्या र सीमामा हेरफेर गरिने र अन्य मागलाई पनि छलफलबाट सम्बोधन गरिने बताए ।
संविधानमा संशोधनका लागि सरकार गठनपूर्व एमाले, एमाओवादी र आफ्नो पार्टी मधेसी जनाधिकार फोरम लोकतान्त्रिकबीच आठबुँदे सहमति भएको स्मरण गराए ।
संविधान जारी गर्नुपूर्व प्रमुख तीन दलका बीचमा भएको १६ बुँदे सहमतिको मर्मअनुसार संविधान संशोधन हुने उनले बताए ।
१६ बुँदे सहमतिमा आठ प्रदेशमा जाने उल्लेख थियो भने नयाँ संविधानमा सात प्रदेशको व्यवस्था गरिएको छ ।
गच्छदारले संविधान संशोधनमा नेपाली काँग्रेसको पनि सहमति हुने जिकिर गरे । रासस
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4