२७ कात्तिक, काठमाडौं । अनलाइन कारोबार प्रणाली शुरुवात भएको दिनदेखि नै ओरालो लागेको सेयर बजारमा सुधार आएको छ । तिहार बिदा हुनु एकदिन अघि उद्घाटन गरिएको अनलाइन प्रणालीले कारोबारमै समस्या देखिएको थियो भने सेयर बजार समेत ओरालो लागेको थियो ।
कारोबारमा व्यापक समस्या देखिए पछि लगानीकर्ताहरुले सोमबार नेप्सेका सीईओ चन्द्रसिंह साउदलाई नै भेटेर अनलाइन प्रणाली व्यवस्थित गर्न चेतावनी दिएका थिए । लगानीकर्ताले चेतावनी दिएको भोली पल्ट नै मंगलबार सेयर बजारमा करिब १४ अंकको वृद्धि देखिएको छ ।
तिहार बिदा पछि लगातार दोहोरो अंकले घटेको नेप्से परिसूचक मंगलबार भने १३ दशमलव ९७ अंकले बढेर १ हजार २ सय ७ दशमलव ३१ को बिन्दुमा कारोबार बन्द भएको छ ।
परिसूचकसँगै कारोबार रकममा समेत सुधार देखिएको छ । दिनभर भएका २ हजार ७ सय ६९ कारोबारबाट १ सय ५० कम्पनीको ६ लाख ५५ हजार ५ सय ९७ कित्ता सेयर खरिदबिक्री भएका छन् । जस अनुसार १७ करोड ४१ लाख ५५ हजार ३ सय ९० रुपैयाँको कारोबार भएको नेप्सेले जनाएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "Land for Sale in Lubhu")
%20-%20Copy.jpg "4 BHK House for Rent at Bhaisepati")
.jpg "Residential Land for Sale at Imadol")
प्रतिक्रिया 4