२०७६ वैशाख ९ गते ८:३४ 
९ वैशाख, काठमाडौं । म्यानचेस्टर युनाइटेडले इंग्लिस प्रिमियर लिग फुटबलमा एभर्टनसँग लज्जास्पद हार व्यहोरेको छ । आइतबार राति भएको खेलमा म्यानचेस्टर युनाइटेड एभर्टनसँग ४–० ले पराजित भएको हो ।
एभर्टनको जितमा रिचार्लिसन, सिगुडसन, लुकास र थियो वालकोटले गोल गरे । एभर्टनले १३ औं मिनेटमै गोलको खाता खोलेको थियो ।
३४ खेलबाट ६४ अंक जोडेको म्यानचेष्टर युनाइटेड अंक तालिकाको छैटौं स्थानमा छ । सातौं स्थानमा रहेको एभर्टनले ३५ खेलबाट ४९ अंक बटुलेको छ । लिभरपुल ८८ अंकसहित शीर्ष स्थानमा छ ।
आइतबार राति नै भएको खेलमा आर्सनल क्रिष्टल प्यालेससँग ३–२ ले पराजित भएको छ ।
प्रतिक्रिया 4