१५ मंसिर, गुल्मी । गुल्मीको रुरुक्षेत्र गाउँपालिकाको वडा नम्बर ६ रिमुवाको वडा अध्यक्षमा नेकपाका गिरिप्रसाद सिंजाली निर्वाचित भएका छन् । सिंजालीले ८०२ मत ल्याएर विजयी भएको मुख्य निर्वाचन कार्यालय गुल्मीले जनाएको छ । उनले नेपाली कांग्रेसका उम्मेदवार बेदप्रसाद दर्लामीलाई ७५ मत अन्तरले पराजित गरे । कांग्रेसका दर्लामीले ७२७ मत ल्याए ।
स्वतन्त्र उम्मेदवार मनबहादुर दर्लामीले १ मत पाए ।
यहाँका कुल मतदाता २ हजार ४८ मध्ये १५ सय ४४ मत खसेको थियो भने १४ मत बदर भएको थियो ।
रुरु क्षेत्र गाउँपालिका ६ रिमुवामा ०७४ साल असारमा भएको स्थानीय तहको निर्वाचनमा तत्कालीन नेकपा एमालेवाट निर्वाचित वडा अध्यक्ष पुर्ण बहादुर रेगामीको निधन भएपछि उपनिर्वाचन भएको हो ।
