२६ फागुन, काठमाडौं । सरकारले थप तीन देशका नागरिकलाई ‘अन–अराइभल’ भिसा नदिने भएको छ ।
अब स्पेन, फ्रान्स र जर्मनीका नागरिकलाई ‘अन–अराइभल’ भिसा नदिइने अध्यागमन कार्यालयले जनाएको छ ।
सरकारले अघिल्लो साता मात्र कोरोना भाइरसको संक्रमण बढी देखिएका पाँच देश चीन, इरान, दक्षिण कोरिया, जापान र इटलीका नागरिकलाई ‘अन–अराइभल’ भिसा नदिने निर्णय गरेको थियो ।
अब ८ देशका नागरिकहरु स्थलमार्गबाट नेपाल आउन पाउने छैनन् भने त्रिभुवन अन्तर्राष्ट्रिय विमानस्थलबाट आउँदा सम्बन्धित देशमा रहेका नेपाली दूताबास वा नियोगमा स्वस्थ रहेको प्रमाणपत्र बुझाएर भिसा लगाउनुपर्छ ।
यसअघि विश्वका १३ देशबाहेक अरु सबैलाई त्रिभुवन अन्तर्राष्ट्रिय विमानस्थल वा अन्य सीमा नाकामा ‘अन–अराइभल’ भिसा दिने गरिएको थियो ।
