२९ फागुन, काठमाडौं । विश्वव्यापी रुपमा फैलिएको कोरोना भाइरसका कारण नेपाली सेनाले एकीकरण मार्ग कार्यक्रम स्थगित गरेको छ ।
सरकारले सार्वजनिक सभा, सम्मेलन र कार्यक्रम नगर्न निर्देशन दिएपछि सेनाले कार्यक्रम स्थागित गरेको हो ।
सैनिक प्रवक्ता विज्ञानदेव पाण्डेले कार्यक्रम अर्को सूचना जारी नभएसम्मका लागि स्थगित गरिएको अनलाइनखबरलाई बताए ।
सेनाले नेपाल भ्रमण वर्ष २०२० अभियानलाई लक्षित गरेर यो कार्यक्रम अघि सारेको थियो ।
पृथ्वीनारायण शाहले नेपाल एकीकरण अभियानका क्रममा हिँडेका बाटो, त्यसवेलाका दरबार, किल्ला तथा गढीलाई एकआपसमा जोडेर राष्ट्रिय एकताको भावना जागृत गर्ने उद्देश्यले मार्ग बनाइएको सेनाले जनाएको थियो । कार्यक्रमका लागि सेनाले पाँच महिनाभन्दा अघिबाट तयारी थालेको थियो ।
यो कार्यक्रमसँगै पोखरा र तनहुँमा हुने भनिएको भूतपूर्व सैनिक सम्मेलनमा पनि रोकिएको छ । चैत १६ र १७ गतेका लागि सम्मेलनको मिति तय गरिएको थियो ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4