पसिना बेच्न सकिन्छ, आमा होइनः वर्षा राउत

सरकारले नेपालको नयाँ नक्सा सार्वजनिक गरेसँगै यतिबेला भारतीय मिडियामा यसलाई लिएर चर्को बहस सुरु भएको छ। भारतीय मिडियाले नेपालको बारेमा बहस छेडिरहँदा नायिका मनिषा कोइरालाको एक ट्विटले त हंगामा नै मच्चायो । यसले, नेपाली कलाकारहरूलाई फेरि एक बनाएको छ ।

यो पनि पढ्नुहोस

ऋचा लेख्छिन्–‘भारतीय मिडियाबाट दुई पैसे नौटङ्कीभन्दा बढी आश छैन’

कलाकारहरूले नायिका कोइराला र नेपाली भूमिको विषयमा आफ्नो भनाइ सार्वजनिक गर्न थालेका छन् । नायिका वर्षा राउतले, पसिना बेचेपनि आमालाई बेच्न नसकिने बताएकी छिन् ।

वर्षाले भनेकी छिन्–‘पसिना बेच्न सकिन्छ, आमा होइन । मनिषा कोइराला दिदीले आफ्नो आमामाथि हस्तक्षेप सहनु भएन। यसैले उहाँले आफ्नो अपमानसँग नडराई मातृभूमिको सम्मानमा उभिनुभयो ।’

यो पनि पढ्नुहोस

पूजा लेख्छिन्–‘मनिषा दिदीले भारतको नुन भिख मागेर खानुभएको होइन’

वर्षाले मनिषा कोइरालाको स्वाभिमानलाई अझै मजबुत बनाउन सबैले साथ दिन जरुरी रहेको पनि उल्लेख गरेकी छिन् । उनले, आफ्नो मातृभूमि र स्वाभिमानप्रतिको हस्तक्षेप कदापि स्वीकार्य नभएको पनि उल्लेख गरेकी छिन् ।