२५ असोज, कैलाली । जिल्ला प्रहरी कार्यालय कैलालीका प्रमुख प्रहरी उपरीक्षक (एसपी) अनुपम शमशेर जबरालाई थप उपचारका लागि आइतबार काठमाडौँ लगिएको छ ।
२० असोजमा एसपी जबरालाई कोरोना संक्रमण पुष्टि भएको थियो । केही दिन सेल्फ आइसोलेसनमा बसेका जबरालाई कोरोनाको लक्षण देखिन थालेपछि काठमाडौँ लगिएको प्रदेश प्रहरी कार्यालयका प्रवक्ता बरिष्ठ प्रहरी उपरीक्षक मुकेशकुमार सिंहले जानकारी दिए ।
‘बेला बेलामा ज्वरो आउने र श्वासप्रश्वासमा समस्या देखिन थालेपछि एम्बुलेन्समा मार्फत आज काठमाडौँ पठाइएको हो,’ उनले अनलाइन खबरलाई जानकारी दिए ।
जबराको काठमाडौँस्थित प्रहरी अस्पताल उपचार हुने उनले बताए ।
