२०७७ चैत १९ गते १९:४५ 
१९ चैत काठमाडौं । पाँचौं आरबीबी एनभीए कप राष्ट्रिय महिला तथा पुरुष लिग भलिबल च्याम्पियनसिपमा विभागीय टिम एपीएफले विजयी शुरुवात गरेको छ ।
नेपाल भलिबल संघको आयोजनामा बिहिबारदेखि सुरु भएको प्रतियोगितामा एपीएफले पुरुषतर्फ विजयी शुरुवात गरेको हो । दशरथ रंगशालाको कभर्डहलमा भएको खेलमा एपीएफले तीन पाकिस्तानी खेलाडी सहभागी भएको बुलबुले रारा क्लबलाई ३–१ को सेटमा पराजित गरेको हो ।
प्रतिस्पर्धात्मक खेलमा एपीएफले बुलबुलेलाई पहिलो सेटमा २५–२० ले हरायो । दोस्रो सेट टाइ ब्रेकमा २८–२६ ले जित्दै एपीएफले २–० को अग्रता बनायो । तर तेस्रो सेट बुलबुलेले २५–१८ ले आफ्नो पक्षमा पार्दै खेल २–१ को अवस्थामा पुर्यायो ।
रोमाञ्चक बनेको चौथो सेट एपीएफले ३२–३० ले जित्दै खेल ३–१ ले आफ्नो पक्षमा पार्यो ।
प्रतिक्रिया 4