२० असोज, काठमाडौं । सेयरधनीलाई ५१ प्रतिशत लाभांस दिने प्रस्ताव पोखरा फाइनान्सको सञ्चालक समितिले पारित भएको छ । फाइनान्सलाई ४८.५० प्रतिशत बोनस सेयर र त्यसमा लाग्ने कर प्रयोजनका लागि २.५ प्रतिशत नगद लाभांस वितरणका लागि नियामक नेपाल राष्ट्र बैंकले स्वीकृत दिएको छ ।
स्वीकृत लाभांस संस्थाको आगामी १९औं वाषिर्क साधारणसभाले अनुमोदन गरेपछि मात्रै वितरण गरिनेछ । यो बर्ष सेयरधनीलाई राम्रो नाफा दिन सफल भएको फाइनान्सका प्रमुख कार्यकारी अधिकृत राजकुमार गुरुङले बताए ।
बोनस सेयर वितरणपश्चात कम्पनीको चुक्ता पुँजी ४९ करोड ११ लाख १९ हजार रुपैयाँ पुग्ने छ । आर्थिक वर्ष २०७१/०७२ सम्म संस्थाले २ अर्ब ७१ करोड ५६ लाख रुपैयाँ निक्षेप संकलन गरी २ अर्ब ३० करोड ३७ लाख रुपैयाँ कर्जा प्रवाह गरेको छ ।
यस अवधिमा कम्पनीले १५ करोड ६३ लाख ३९ हजार रुपैयाँ नाफा कमाएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया 4