पोखराको लेकसाइडमा रहेको ‘ब्यन्जन रेष्टुरेन्ट’मा शनिबार ‘रेन्टरटेन्मेन्ट सिजन ३’ पार्टीको आयोजना भएको छ । पानीमा रमाएर डान्स गर्न चाहने यूवायूवतीका लागि यो पार्टीको आयोजना गरिएको थियो । उसैपनि पोखरामा आयोजना हुने रेन डान्स आफैमा चर्चित छ ।
यो पार्टीमा ८ सय जना आन्तरिक र बाह्य पर्यटक सहभागी भएको रेष्टुरेन्ट संचालक वैभव पौडेलले जानकारी दिएका छन् । पानीको कृत्रिम बर्षा गराएर डीजेको साथमा सहभागीहरुले मस्ती गरेका थिए । पानीमा डान्स गर्नेहरुलाई विभिन्न विधामा उत्कृष्ट डान्सर घोषित गरिएको थियो । पार्टी दिउँसो २ बजे सुरु भएर ११ बजेसम्म संचालन भएको थियो ।