११ असोज, म्याग्दी । म्याग्दीको पिप्लेमा ३२ मेघावाट क्षमत्ताको राहुघाट जलविद्युत् आयोजनाको निर्माण शुक्रबारबाट सुरु भएको छ ।
नेपाल विद्युत प्राधिकरणले निर्माण गर्न लागेको आयोजनाको प्रमुख जिल्ला अधिकारी टेकबहादुर केसी, स्थानीय विकास अधिकारी विष्णुप्रसाद शर्मा, आयोजनाका निर्देशक विकासमानसिंह डङ्गोल र उपनिर्देशक मणिकुमार काफ्लेले संयुक्तरुपमा शुक्रबार शिलान्यास गरे ।
नेपाल सरकार, विद्युत प्राधिकरण र भारतीय एक्जिम बैंकको सहुलियत ऋण सहयोगमा निर्माण सुरु भएको आयोजना साढे तीन वर्षभित्र सम्पन्न हुने जानकारी निर्देशक डङ्गोलले दिए ।
झिँ र दग्नाम गाविसको सिमाना बुक्लमा १८ मिटर उचाइको बाँध रहने आयोजनाको ६.१ किलोमिटर लामो सुरुङ हुनेछ । आयोजनाको विद्युत्गृह, सुरुङ, बाँध र प्रवेश मार्ग निर्माणका लागि भारतीय निर्माण कम्पनी आइभिआरसिएलसँग २०६७ कात्तिकमा रु दुई अर्ब ५० करोडमा सम्झौता भएको थियो ।
विद्युत्गृहदेखि बाँधसम्मको १२ किलोमिटर सडकको ट्रयाक निर्माण गर्ने योजनाअनुसार एक किलोमिटर बाँकी रहेको छ । यसैगरी पिप्लेमा आवासगृह निर्माण अन्तिम चरणमा पुगेको छ । रासस
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "Land for Sale in Lubhu")
%20-%20Copy.jpg "4 BHK House for Rent at Bhaisepati")
.jpg "Residential Land for Sale at Imadol")
प्रतिक्रिया 4