२३ असोज, काठमाडौं । नेपालका प्रमुख राजनीतिक दलहरुले पाँचबुँदे सहमति गरेर व्यवस्थापिका संसदको गतिरोध फुकाएकोमा संयुक्त राष्ट्र संघले धन्यवाद ज्ञापन गरेको छ ।
संयुक्त राष्ट्र संघका राजनीतिक मामिला हेर्ने उपमहासचिव जेफ्री फेल्टम्यानले विहीबार साँझ एमाओवादी अध्यक्ष प्रचण्डलाई टेलिफोन गरी धन्यवाद ज्ञापन गरेका हुन् ।
उपमहासचिव फेल्टम्यानले उच्चस्तरीय राजनीतिक समितिको संयोजक बनेकोमा प्रचण्डलाई बधाइ समेत दिएको प्रचण्डका स्वकीय सचिव चूडामणि खड्काले अनलाइनखबरलाई बताए ।
‘फेल्टम्यानले अब शान्ति प्रक्रियाका बाँकी कामहरु चाँडै पूरा हुने र संविधान निर्माणले गति लिने राष्ट्र संघको विश्वास समेत व्यक्त गर्नुभयो,’ खड्काले अनलाइनखबरसँग भने- ‘नेपालको शान्ति प्रक्रियामा राष्ट्र संघले राम्रो योगदान पुर्याएको स्मरण गर्दै अध्यक्ष प्रचण्डले संयुक्त राष्ट्र संघको भूमिकाप्रति आभार व्यक्त गर्नुभयो ।’
नेपालमा रहेका यूएनका प्रतिनिधिले विहीबार बिहानै लाजिम्पाट पुगेर टेलिफोन सम्वादको समय मिलाएका थिए । त्यसैअनुसार साँझ जेफ्री ले यूएन हेडक्वार्टरबाट एमाओवादी अध्यक्ष प्रचण्डलाई टेलिफोन गरेका हुन् ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "House on sale at Ochu Height")
.jpg "Duplex House for Sale in Tikathali")
प्रतिक्रिया 4