वासिङटन डीसी । भनिन्छ, कुनै पनि चिज को महत्व तब झन् बढ्छ, जब त्यो चिजबाट टाढा भइन्छ । हो त्यस्तै भनाइसँग सबैभन्दा मिल्ने कुरा हो जब हामी नेपालीले परिस्थिति वा चाहना, जुनसुकै कारणले देश छोडेर विदेश गइसकेपछि आफ्नो मातृभूमिको झन् बढी माया लाग्ने गर्छ ।
अनि सबै नेपालीहरुको मनमा एउटै गीत गुन्जिने गर्छ- यो मन त मेरो नेपाली हो । यही भावना मा आफ्नो आवाज भरेकी छिन् यू टुब क्विन निक्की कार्कीले । दुर्इवटा अति चलेका र हरेक नेपालीको मुटुको नजिक भएका गीतको यो फ्युजनमा साथ दिएका छन् लक्ष्मी, सहास, सुयश, शिव र खालिदले ।
यो भिडियो अमेरिकाको सान-फ्रानसिस्को शहरमा शूट गरिएको हो ।
प्रनिशले म्युजिक एरेन्ज गरेको यो गीतको भीडीओ एसबाबु प्रोडक्सनका एसबाबु संदीपले सम्पादन, छायांकन, कलर करेक्सन र निर्देशन गरेका हुन् ।
अमेरिकामा बस्दै अाएकी गायिका निक्की युट्युवमा नेपाली दर्शकमाझ निकै लोकप्रिय छिन् जसले चर्चित कालजयी गीतहरूलार्इ अाफ्नो सुमधुर अावाजमा कभर गीतका रूपमा प्रस्तुत गर्ने गर्छिन् ।
हेर्नुहोस् भिडियो-