+
+

अनमोलको २० लाख पारिश्रमिक कम भयो, नम्रताको अभिनयले सिरिङ्ग बनाउँछः आयुष्मान देशराज

अनलाइनखबर अनलाइनखबर
२०७३ असार ७ गते १४:३८

aausman deshraj
चलचित्र ‘चपली हाइट २’बाट चलचित्र क्षेत्रमा प्रवेश गर्न लागेका कलाकार हुन्, आयुष्मान देशराज जोशी । चलचित्र क्षेत्र पनि बनोस्, आफू पनि अगाडि बढुँ भन्ने सोच छ उनको । उनै आयुष्मानले अनलाइनखबरसँग गरेको रमाइलो कुराकानीः

‘चपली हाइट २’ डबिङमा हेरेपछि कमजोरी के लाग्यो ?
कतिपय ठाउमा राम्रो गर्न सक्छु भन्ने पनि लाग्यो । मलाई  हरेक काम पर्फ]{ट हुनुपर्छ, यो मेरो कमजोरी हो । मैले सुटिङको समयमा चलचित्र डविङ गर्न पर्छ भन्ने नै विर्सिएछु । मैले दृश्यमा स्पष्ट गरेर बोलेको भए अझ सजिलो हुने थियो कि भन्ने लाग्यो । चर्को स्वरले कराउँदा छायांकनको समयमा त आवाज आयो, तर डविङमा निकाल्नै गाह्रै ।

धेरै डेब्यू कलाकारहरु केहि कमजोरी भए आफू नयाँ हुँ, माफी दिनुहोस् भन्छन् नि, के यो आवश्यक छ ?
हामी पनि मान्छे हौं, जति दिमाग चलाएपनि कही न कही गल्ती हुन्छ । जस्तो हुनुपर्ने हो त्यस्तो नहुन सक्छ । नगर्न सकेको बेलामा माफ दिनु भन्न खोजेको होला । यो स्वभाविक नै हो भन्ने लाग्छ ।

‘चपली हाइट २’बाट कस्तो इमेज बनोस् भन्ने चाहुनुहुन्छ ?
मलाई त्यस्तो केहि पनि सोच छैन । यो त्यो बनोस् भन्ने छैन । म यो नगरिमा अभिनय गर्न नै छिरेको हो । एउटै मान्छेले एउटै क्यारेक्टर निर्वाहा गर्न जरुरी छैन ।

मलाई फरक-फरक भूमिका गर्न सक्ने कलाकार भनेर दर्शकले चिनुन् भन्ने लाग्छ । चलचित्रमा अभिनय पनि मेरो एउटा पेशा हो । मलाई टाइटल आवश्यक छैन । अभिनय राम्रो छ भन्नु भयो भने खुशी हुन्छु ।
aausman deshraj 1
‘चपली हाइट २’ मा तपाइको के चुनौती थियो ?
मैले सिंगो कथालाई नै मेरो चुनौती मानेको थिएँ । यसमा मेरो भूमिका फरक-फरक छ । मैले ऐना अगाडि बसेर धेरै कराएँ । सिंगो कथा नै मेरा लागि च्यालेञ्ज थियो । चिया अगाडि राखेर अभिनय गर्नु र नराखि कल्पनामा अभिनय गर्नुमा धेरै फरक हुन्छ । यसैले मेरा लागि सिंगो चलचित्र नै चुनौती हुन्छ ।

तपाइको वरिपरी यूवती फ्यानहरुको आकर्षण देखिन्छ ? चलचित्र रिलिज नहुँदै यस्तो क्रेज किन ?
यो एउटा कलाकारलाई लागि सुखद कुरा हो । मलाई फ्यानहरुले राम्रो मान्छे भनेरै चिनुन् भन्ने लाग्छ । म आफू पनि भलो सोच्ने, अरुको पनि भलो होस् भन्ने मानिस हँु । कसैले हाई भन्दा हाई भन्ने मान्छे हुँ म ।

स्टार भनिएका कलाकारसँग अब तपाइको तुलना होला नि ? यसलाई कसरि हेर्नुहुन्छ ?
प्रतिस्पर्धाको कुरा हुँदा राम्रै कुरामा आओस् । म यो क्षेत्रमा कसैसँग प्रतिस्पर्धा गर्न आएको होइन । आफ्नो कामले मान्छेले चिनुन् भन्ने मान्छे हुँ म ।

नयाँ नायिकासँग काम गर्नुभयो, के तपाई नयाँ हिरोइन मात्र आफ्नो जोडी हुन् भन्ने चाहनुहुन्छ ?
यो मेरो सोच थिएन, निर्देशकको थियो । म पुराना कलाकारसँग पनि काम गर्न चाहन्छु नयाँसँग पनि काम गर्न चाहन्छु ।
aausman deshraj 2
तपाइलाई कुन नायिका मनपर्छ, कोसँग काम गर्न चाहनुहुन्छ ?
मलाई प्रियंका कार्कीसँग काम गर्न मन छ । उहाँलाई मैले पहिलेदेखि नै चिनेको हुँ । उहाँसँग म सहज हुनसक्छु । म नम्रता श्रेष्ठसँग पनि काम गर्न चाहन्छु । उहाँको अभिनय हेर्दा नै जीउमा सिरिङ्ग पार्ने खालको छ । तर, उहाँसँग म त्यती नजिक छैन ।

प्रियंका र तपाइविच कस्तो खालको भूमिका सुहाउला ?
दर्शकलाई चलचित्र हेर्दा आफू नै खेले जस्तो, आफू नै भए जस्तो फिल होस् के । मैले ‘कपुर एन्ड सन्स’ हेर्दा त्यो चलचित्रले मलाई रुवायो । ठ्याक्कै यहि चलचित्र भनेको होइन, तर कथावस्तु यस्तो होस् के । दिदीभाई, साथीभाई जस्तो भूमिका होस् । क्यारेक्टर त निर्वाहा गर्ने हो नी ।

तपाइसँग पर्दामा प्रियंका कार्की प्रेमिका बन्न सक्छिन् ?
सुरुदेखि नै मैले उसलाई कलेजमा मन पराएको कथा भयो भने त औडाहा नै लाग्ला । त्यो केटालाई पहिलेदेखि नै आफूभन्दा जेठी यूवती मनपर्ने कथा भयो भने राम्रो होला । हुनत, मलाई सुरुदेखि नै आफू भन्दा ठूला मान्छे मनपर्छ । म आफ्नो उमेरका साथीसँग त्यती नजिक छैन ।

नयाँ प्रोजेक्ट के छ, अफर आएको छ ?
मलाई काम गर्न धेरै मन छ । चलचित्रको कथावस्तु हेरेर गर्न मन छ । तपाई ममाथि कति लगानी गर्न सक्नुहुन्छ भन्ने हो । म आफूलाई पनि अगाडि बढ्न मन छ, यो क्षेत्रलाई पनि अगाडि बढाउन मन छ । अनमोललाई २० लाख दिदा मैले वधाई दिएँ । त्यो पैसा कम हो । मलाई डाहा छैन । मैले विश्वमा सर्वाधिक पारिश्रमिक पाउने को हो भनेर पनि हेरे ? त्यहाँ पुगोस् न हाम्रो चलचित्र क्षेत्र । वाहा भन्ने होस् न ?aausman deshraj 3

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

धेरै कमेन्ट गरिएका

छुटाउनुभयो कि ?