३० असार, काठमाडौं । २० रुपैयाँको नोटमा परिवर्तन भएको छ । अर्थ मन्त्रालयको प्रस्तावमा सरकारले २० रुपैयाँको नोटको डिजाइन परिवर्तन गरी बजारमा ल्याउन लागेको हो ।
चलनचल्तीमा रहेका नोटहरुमा समय अनुसारका नयाँ विशेषताहरु संलग्न गर्नुपर्ने भएकाले यो परिमार्जन गर्न लागेको सरकारले बताएको छ ।
अब २० रुपैयाँको नोटको रातो पृष्ठभूमिमा रहेको साम्भरको तस्वीर हट्नेछ र, बाह्रसिङ्गेको तस्वीर राखिनेछ । २० रुपैयाँको नोटमा साम्भर जनावरको चित्र वि.स. २०६९ सालदेखि राख्न थालिएको थियो ।
अब भारतीय उपमहाद्वीपमा पाइने मृग प्रजातिको बाह्रसिङ्गे नेपालको शुक्लाफाँटमा पाइन्छ र यो लोपन्मुख भएकाले नोटमा राख्नु राष्ट्रिय गौरवको विषय मानिएको छ ।
अग्रभागमा व्याकरणीय गल्ती सुधार्ने
चलनचल्तीमा रहेको २० रुपैयाँको नोटमा व्याकरणीय त्रुटी फेला परेको छ । २० को नोटमा भेटिएको दुईवटा व्याकरणीय गल्तीलाई नयाँ नोटमा भने सच्याउने प्रस्ताव गरेको छ ।
‘रुपैयाँ बीस तुरुन्त पाइनेछ’ लाई सच्याएर अब ‘रुपैयाँ बिस तुरुन्त पाइने छ’ बनाइने छ । नेपाल प्रज्ञा प्रतिष्ठानले बीसको सट्टा ‘बिस’ र ‘पाइनेछ’ को सट्टा ‘पाइने छ’लाई मान्यता दिएकाले यो सच्याउन लागिएको हो ।
यस्तै नोटमा फैलिएको बोडरभागमा पनि हल्का केही परिवर्तन गरिँदैछ । नोट छपाईको सम्झौता हुने समयमा बैंकका बहालवाला गभर्नरको दरखास्त राखिने छ ।
