Comments Add Comment

रामकृष्णकी श्रीमति भन्छिन्-‘उहाँलाई पोज दिन नै आउँदैन’

ramkrishna and nilam (1)

गायक रामकृष्ण ढकालकी श्रीमति नीलमलाई उनका साथीहरुले फेसनमा ध्यान दिने महिला भनेर वुझ्छन् । एक छोरीकी आमा नीलमको फिगर मेन्टेनदेखि पहिरनमा सजगता गजबकै छ । नीलमका अनुसार उनी खर्चालु श्रीमति हुन् ।

नीलमलाई सबैभन्दा धेरै स्यान्डलको माया लाग्छ । बाहिरबाट घर पुग्ने वित्तिकै स्यान्डल पुछेर राख्ने गरेको उनले सुनाइन् । उनीसँग २५ जोर भन्दा बढी स्यान्डल छ । नीलम सार्वजनिक कार्यक्रममा वन पिस पहिरन धेरै लगाउँछिन् । आफूसँग ४० वटा भन्दा बढी वन पिस भएको नीलमले अनलाइनखबरलाई बताइन् । नीलमले छोटो कपडा पनि लगाउने गरेको बताइन् ।

आजसम्म उनले ४ वटा म्यूजिक भिडियोमा काम गरेकी छिन् । चलचित्र ‘आवरण’मा समावेश एक गीतको भिडियोमा उनले मोडलिङ गरेकी छिन् । यो भिडियोमा सुरुमा रामकृष्ण र नीलमले काम गर्ने कुरा थियो । तर, अमेरिका गएका रामकृष्ण भीसा थपेर १५ दिन बढी बसेपछि नीलमले उनै उनलाई आउट गरिदिएकी थिइन् । नीलमलाई लाग्छ, रामकृष्णलाई तस्बिर खिच्दा पोज दिन आउँदैन । उनले भनिन्-‘आफ्नै श्रीमतीसँग त पोज दिन नसक्नेले अरु मोडलसँग कसरी तस्बिर खिच्दा राम्रो पोज दिनुहोला र ?’

रामकृष्णको पहिरन सजगताको भने नीलम फ्यान हुन् । नेपालका ५ गायकमध्ये रामकृष्ण पनि पहिरनमा सजग भएका गायकमा पर्ने नीलमको भनाई छ । विदेशमा धेरै घुम्ने भएकाले पनि रामकृष्णले धेरै कुरा वुझेको र केही कुरा आफूले पनि सिकाउने नीलमले बताइन् ।

ramkrishna and nilam (3) ramkrishna and nilam (5)

ramkrishna and nilam (7) ramkrishna and nilam (8) ramkrishna and nilam (10)
ramkrishna and nilam (11) ramkrishna and nilam (14)

 

तस्विरः श्रीधर पाैडेल

यो खबर पढेर तपाईलाई कस्तो महसुस भयो ?

ट्रेन्डिङ

सम्बन्धित खवर

Advertisment