छायांकार सबनम मुखियाले कमलमणी नेपाल र निरु खड्कालाई मुख्य भुमिकामा लिएर चलचित्र ‘लखपति माग्ने’ बनाउने भएकी छिन् । प्रथम नायिका भूवन चन्दको प्रमुख आतिथ्यमा भएको कार्यक्रममा ‘लखपति माग्ने’को शुभसाइत गरिएको थियो ।
सवनम मुखीयाको लेखन/निर्देशनमा बन्ने ‘लखपति माग्ने’को भदौ पहिलो सातादेखि सुटिङ सुरु हुने भएको छ । कमलमणी नेपाल एवं निरु खड्का बाहेक अन्य कलाकार छनौट हुन बाँकी रहेको सबनमले बताइन् ।
चलचित्रमा सन्तोष श्रेष्ठको संगीत एवं शान्तिप्रियको गीत रहनेछ । हाँस्यरसमा आधारीत चलचित्र रोमान्टीक हुने लेखक निर्देशक मुखीयाले बताइन् । चलचित्रका निर्माता नरेन्द्र महर्जन तथा प्रकाशचन्द्र महर्जन छन् ।
सोही कार्यक्रमा चलचित्र ‘जुभिनाइल’को दुई गीत पनि सार्बजनिक गरिएको छ । जुभिनाइल सवनमले निर्देशन गरेको लघु चलचित्र हो ।
