यो बर्षको प्रेम दिवसको छेको पारेर रिलिज हुन लागेको चलचित्र ‘रोमियो एन्ड मुना’को तीज गीत सार्वजनिक भएको छ । तीज पर्व नजिकिदै गर्दा यसको निर्माण पक्षले ‘डानसमा म एक नम्बर’ बोलको गीतको भिडियो रिलिज गरेको हो ।
कोशिश क्षेत्रीको संगीत, दिनेश राउतको शब्द, कोशिश, मिना निरौला, झुमा निरौला र दीपा लामाको स्वरमा समावेश यो गीतको भिडियोलाई गोविन्द राइले कोरियोग्राफी गरेका हुन् ।
यो गीतको छायांकन भेडेटारको नाम्चे गाउँमा गरिएको हो । भिडियोमा बसुन्धरा भुषाल, सुष्मा कार्की, श्रृष्टी श्रेष्ठ र मेनुका प्रधानलाई फिचरिङ गरिएको छ ।
नरेशकुमार केसीको निर्देशनमा तयार भएको यो चलचित्रमा विनय श्रेष्ठ र श्रृष्टी श्रेष्ठ शिर्ष भूमिकामा देखिएका छन् । पी एमजी पिक्चर्स र भी मोसन पिक्चर्सको संयुक्त प्रस्तुतीमा तयार भएको यो चलचित्रमा प्रशन्न गोपाली, कविन शाक्य, विनय श्रेष्ठको लगानी छ ।
