शनिबार, २ मंसिर, २०७४
OnlineKhabar.com

कीर्तिमान तोड्दै १४ वर्षे किशोरले उडाए जहाज

अनलाइनखबर

मानिस कति वर्षको उमेरमा पाइलट बन्न सक्ला ? युएईका एक किशोर भने १४ वर्षकै उमेरमा पाइलट बनेर रेकर्ड कायम गरेका छन् ।

भारतीय मूलका मंसूर अनिस विश्वको सबैभन्दा कम उमेरको पाइलट बनेर कीर्तिमान राखेका हुन् ।

मन्सुरले हालै सेसना १५२ नं. को उडानमा रहेको जहाज भन्डै १० मिनेटसम्म एक्लै उडाए । त्यसक्रममा उनले पूर्ण अनुभवी पाइलटले जस्तै जहाज ह्याण्डल गरेका थिए । यो कीर्तिमानी कार्यसँगै उनलाई प्रशिक्षार्थी पाइलटको लाइसेन्स मिलेको छ ।

उनलाई पाइलट प्रशिक्षण प्रतिष्ठानले प्रशिक्षार्थी पाइलटको लाइसेन्स दिएको हो । मन्सुरका बुवा भारतको नागपुरका बासिन्दा हुन् भने काका पाइलट हुन् ।

मन्सुरलाई सानैदेखि हवाइजहाजमा निकै चाख थियो । उनले खेलौना पनि हवाइजहाज वा हेलिकप्टरकै चलाउने गर्थे र एकदिन पाइलट बन्ने सपना देखेका थिए । अन्ततः लामो प्रशिक्षणपछि उनले १४ वर्षकै उमेरमा पाइलट बनेर कीर्तिमान कायम गरेका छन् । यसअघि जर्मनीका किशोरको नाममा रहेको यो कीर्तिमान मन्सुरले भंग गरेका हुन् ।

एजेन्सी

२०७४ भदौ २६ गते ११:४० मा प्रकाशित

सम्बन्धित शीर्षकहरु

अनलाइनखबर सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

मुख्य खबरहरु

यसमा तपाइको मत




फेसबुकबाट तपाईको प्रतिक्रिया

Also you may like this