एनएमएले रोक्यो गोविन्द केसीलाई लिन जुम्ला जान लागेको हेलिकोप्टर

२७ असार, काठमाडौं । नेपाल चिकित्सक संघ (एनएमए)ले आफ्ना प्रतिनिधि नपठाएपछि अनसनरत डा. गोविन्द केसीलाई लिन जान लागेको हेलिकप्टर रोकिएको छ ।

सरकारको क्याविनेट डाक्टर मिर्गौला रोग विशेषज्ञ डा. दिव्या सिंह तथा एनएमएका प्रतिनिधिसहित हेलिकोप्टर जुम्ला जाने तयारी थियो ।

डा. केसीको स्वास्थ्य अवस्था जटिल भएपछि उनलाई सरकारले काठमाडौ ल्याउने व्यवस्था गरेको थियो । यसको लागि सरकारले नेपाली सेनाको हेलिकोप्टरसमेत तयारी अवस्थामा राखेको थियो ।

तर, डा. केसी काठमाडौ आउने नआउने टुङ्गो नभएपछि भने एमएमएको टिम सरकारी टोलीसित जुम्ला जान हच्किएको छ ।

‘शिक्षा मन्त्रीबाट पहल भएकोले हामीले डा. केसी निकटहरुसित कुरा गरी उहाँलाई काठमाडौं ल्याइ वार्तामा ल्याउनु पर्छ भनेका थियौ ।’ स्रोतले भन्यो, ‘तर, डा. केसीले आउन नमानेपछि जर्बजस्ती गर्न सकेनौ ।’

यद्यपि, डा. केसीको स्वास्थ्य अवस्था गम्भीर भएमाउनको जीवन रक्षार्थ कुनै पनि हालतमा डा. केसीलाई काठमाडौ ल्याउनपछि नपर्ने एनएमएले जनाएको छ ।