१३ साउन, काठमाडौं । उत्तर कोरियाको एक कृषि फर्ममा जागिर लगाइदिने भन्दै ठग्ने कार्यमा संलग्न भएको आरोपमा प्रहरीको केन्द्रीय अनुसन्धान ब्यूरो (सीआईबी) ले ३ जनालाई पक्राउ गरेको छ ।
पक्राउ पर्नेमा सिन्धुलीका दिनेश भनिने रामबहादुर थापा, मकवानपुरको दिनेश श्रेष्ठ र कल्पना ढुंगाना छन् ।
ब्यूरोका एसपी कृष्णहरि शर्माका अनुसार उनीहरुले उत्तर कोरिया जान प्रतिव्यक्ति ७ लmाख लाग्ने भन्दै झक्याएर रकम लिएर ठगी गरेको खुलेको छ ।
उनीहरुले हालसम्म ५ जनाबाट ४२ लाख रुपैयाँभन्दा बढी रकम लिएर ठगी गरेको ब्यूरोमा उजुरी परेको छ ।
पक्राउ परेकाहरुमाथि जिल्ला अदालत, काठमाडौंबाट म्याद थप गरेर ठगी मुद्दामा अनुसन्धान भइरहेको छ । यसैबीच, मकाउमा जागिर लगाइदिने भन्दै रकम असुली गर्ने एक जना पक्राउ परेका छन् ।
पक्राउ पर्नेमा सुनसरीको धरानका बालकृष्ण भण्डारी छन् ।
उनलाई ब्यूरोको टोलीले ललितपुरको थसिखेलबाट पक्राउ गरेको एसपी शर्माको भनाइ छ ।
उनले त्यसरी मकाउ पठाइदिन्छु भनेर २३ जनाबाट २ लाख ७५ हजार रुपैयाँ उठाएको जनाइएको छ ।
ठगीमा संलग्न अन्य व्यक्तिको खोजी भइरहेको सीआईबीको भनाइ छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "Luxurious House on sale at Ochu Height, Imadol")
.jpg "Apartment for rent in Grande Tower")
.jpg "House for sale at Tikathali")
प्रतिक्रिया 4