२२ साउन, काठमाडौं । काठमाडौंको काँडाघारीबाट अपहरित बालकको घाँटी थिचेर हत्या गरिएको पुष्टि भएको छ ।
त्रिवि शिक्षण अस्पताल, महाराजगञ्जले गरेको पोष्टमार्टम रिपोर्टले अपहरणकारीले बालकको घाँटी थिचेर हत्या गरेको देखाएको हो ।
यसअघि आइतबार साँझ काँडाघारीबाट ११ वर्षीय बालक निशान खड्का अपहरणमा परेका थिए । तर, प्रहरीले बालकको खोजी थालेको ८ घण्टा वित्न नपाउँदै बालकको हत्या भएको थियो ।
महानगरीय अपराध अनुसन्धान महाशाखाका प्रमुख एसएसपी धिरजप्रताप सिंहले अनलाइनखबरसँग कुरा गर्दै अपहरणकारीले बालकको घाँटी थिचेर हत्या गरेको पुष्टि भएको बताए ।
प्रहरी मुठभेडमा सोमबार भक्तपुरको डोलेश्वरमा मारिएका अपहरणकारी गोपाल तामाङ र अजय तामाङले बालकको क्रुर हत्या गरेको उनले बताए ।
प्रहरी स्रोतका अनुसार उनीहरुले खड्काको राति नै हत्या गरेका थिए । अपराध महाशाखा स्रोत भन्छ, ‘राति ११ देखि १२ बजेको समयमा बालकको हत्या भएको देखिएको छ ।’
हत्यापछि अाफैं बस्दै अाएको घरधनी भक्तपुरको ठिमी नगरपालिका-९ स्थित श्याम लबटको नजिकै रहेको निर्माणाधिन घरको जगमा अपहरणकारीले बालकलार्इ पुरेका थिए । जुन शवलार्इ महाशाखाको प्रहरी टोलीले सोमबार दिउँसो उत्खनन् गरेर निकालेको थियो ।
यो पनि पढ्नुहोस्
निशान अपहरणको नालीबेलीः दिउँसो साइकलमा डुलाएर राति हत्या
सुरक्षाविज्ञ भन्छन्- प्रहरीले निशानलाई जीवितै उद्दार गर्न सकेको भए राम्रो हुन्थ्यो
