४ असोज, मोरङ । नेपाल कम्युनिष्ट पार्टी (नेकपा), सुनसरीले तत्कालिन नेकपा एमालेका जिल्ला सल्लाहकार खुर्सिद अन्सारीको दिनदहाडै भएको हत्याबारे छानबिन गर्न उच्च स्तरीय समिति गठन गर्न माग गरेको छ ।
बिहीबार एक विज्ञप्ति जारी गर्दै रैयाब नेश्नल स्कुलका सञ्चालक समेत रहेका आफ्ना नेताको हत्याबारे छानबिन गर्न उच्चस्तरीय छानबिन समित गठन गर्न माग गरेको हो ।
घटनाको छानबिन गरी दोषीलाई कानुनी कारवाहीको दायरामा ल्याउँदै मृतक परिवारका आफन्तलाई क्षतिपूर्ती दिन पनि माग गरिएको छ ।
नेकपा सुनसरीले घटनालाई अतिरञ्जित गरी बङ्ग्याउन सक्ने सम्भावना रहेको बताउँदै संयमता अपनाउन आग्रह गरेको छ ।
सुनसरीको हरिनगरा गाउपालिका–२, भुटाहामा रहेको रैयाब नेशनल स्कुलको सञ्चालक आलमको बिहीबार दिउँसो भारतीय नम्बर प्लेटको मोटरसाइकलमा आएका अज्ञात व्यक्तिको समूहले गोली हानी हत्या गरेका थिए ।
सीमा नाका घुस्कीदेखि ७ किलोमिटर उत्तर रहेको भुटाहामा आलमलाई गोली हानी भाग्ने क्रममा अपराधिक समुहले घुस्की सीमा चौकीमा कार्यरत प्रहरी जवान शिवलाल पौडेलमाथि पनि गोली प्रहार गरेको थियो ।
यो पनि पढ्नुस्
सुनसरीमा गोली प्रहार गरी शिक्षकको हत्या, प्रहरी पनि घाइते
अन्सारीका हत्यारालाई कारबाहीको दायरामा ल्याउँछौंः गृहमन्त्री थापा
