काठमाडौं । बार्सिलोनाका प्रशिक्षक एर्नेस्टो भालभर्डेले लिओनल मेस्सी बिना इन्टरमिलानविरुद्ध जित निकाल्न आफ्नो टिमले सँगै काम गर्नुपर्ने बताएका छन् ।
सेभियाविरुद्ध खेलका क्रममा मेस्सीको हात भाँच्चिएको छ र उनी केही समय मैदान बाहिर हुनेछन् । यही बेला बार्सिलोनाले च्याम्पियन्स लिगमा बुधबार इन्टरमिलानसँग खेल्नु पर्नेछ भने आइतबार ला लिगामा इएल क्लासिको छ ।
‘हामीले मेस्सीको अभाव कमभन्दा कम हुन दिन हामीले सँगै काम गर्नुपर्छ’ उनले भनेका छन् ।
गत सिजन बार्सिलोना क्वार्टरफाइनलमा रोमासँग पराजित भएको थियो । तर, यो सिजन समूह चरणमा टोटनह्याम र पीएसभीलाई हराउँदै सुखद सुरुवात गरेको छ ।
तर, इन्टर मिलानपछि पछिल्लो सात खेलमा अपराजित छ र बुधबार राति घरेलु मैदान नाउक्याम्पमा इन्टर मिलानले दिन सक्ने चुनौतीबारे भालभर्डे सचेत देखिएका छन् ।
इन्टरले कहिल्यै हार नमान्ने र अन्तिम मिनेटमा खेल जित्ने गरेको उनले स्मारण गरे ।
बार्सिलोनाका जोर्डी अल्बाले पनि मेस्सीको अनुपस्थिति ठूलो घाटा भएको बताएका छन् ।
