काठमाडौं । इडिनसन काभानीको ह्याट्रिकसँगै पेरिस सेन्ट जर्मेनले मोनाकोलाई हराएको छ । यसले भर्खरै क्लब सक्हालेका थिएरी हेनरीलाई थप दबावमा पारेको छ ।
आइतबार राति भएको खेलमा पीएसजीले मोनाकोलाई ४–० ले हराएको हो । चौथो मिनेटमा नै घरेलु टोलीविरुद्ध गोल गरेका काभानीले ११ औं मिनेटमा दोस्रो गोल गरे । उनले ५३ औं मिनेटमा ह्याट्रिक पुरा गरे ।
खेलको ६४ औं मिनेटमा पाएको पेनाल्टीमा नेइमारले गोल गर्दै पीएसजीलाई ४–० को फराकिलो जित दिलाए ।
जितसँगै पीएसजीको १३ खेलबाट ३९ अंक भएको छ र दोस्रो स्गानमा रहेको लिले भन्दा १३ अंकले अगाडि छ । मानाकोले भने यो सिजन एक खेल मात्र जितेको छ र मात्र ७ अंकसहित पुछारबाट दोस्रो स्थानमा छ ।