२६ कात्तिक, काठमाडौं । काठमाडौंको नयाँ बसपार्कस्थित एक होटलमा शंकास्पद वस्तु भेटिएको छ । सोमबार दिउँसो होटल पूर्वेली गेस्ट हाउसको एक कोठामा शंकास्पद वस्तु भेटिएको हो ।
काठमाडौं प्रहरी परिसरका प्रवक्ता डिएसपी होमिन्द्र बोगटीका अनुसार त्यहाँ केही पर्चा पनि भेटिएको छ । ‘यो होक्स हो भन्ने हाम्रो प्रारम्भिक अनुमान छ’, उनले अनलाइनखबरसँग भने, ‘यद्यपि, अनुसन्धान गरिरहेका छौं ।’
उनले नेपाली सेनाको टोलीलाई पनि त्यहाँ बोलाइएको जानकारी दिए ।
प्रहरीले घटनलाई नेत्रविक्रम चन्द नेतृत्वको विप्लव समूहसँग जोडेर हेरेको छ । यद्यपि, पुष्टि भइसकेको छैन ।
प्रहरीले बरामद गरेको पर्चामा भने ‘हामी नेपाली, हाम्रो नेपाल’ लगायतका विभिन्न पंक्तिहरु लेखिएको जनाइएको छ ।
