१८ चैत, काठमाडौं । आइतबार राति बारा-पर्सामा आएको आँधी-हुरीमा गम्भीर घाइते भएका थप दुई जनालाई काठमाडौं ल्याइएको छ । सोमबार साँझ नेपाली सेनाको एमआई १७ हेलिकोप्टरबाट बिरामीसहित ५ जना कुरुवालाई काठमाडौं ल्याइएको हो ।

नेपाली सेनाको जंगी अड्डाका प्रवक्ता यामप्रसाद ढकालका अनुसार दुई जनालाई नै त्रिवि शिक्षण अस्पताल महाराजगञ्जमा लगिनेछ ।

यसअघि सोमबार बिहान सेनाको स्काई ट्रक विमानमार्फत ल्याइएका ६ जनाको पनि त्रिवि शिक्षण अस्पतालमै उपचार भइरहेको छ ।

घटनामा ३१ जनाको मृत्यु भइसकेको छ भने ७ सय बढी घाइते भएका छन् ।

यो पनि पढ्नुहोस कुन अस्पतालमा कति घाइते ? (सूची)

यो पनि पढ्नुहोस बारा–पर्सा हावाहुरी : १० महिला र ५ बालबालिकासहित २७ मृतकको सनाखत (नामावलीसहित)