२०७६ साउन १४ गते २०:१२ 
१४ साउन, काठमाडौं । नेपाली राष्ट्रिय फुटबल टिमका एथ्लेटिक्स ट्रेनर विवेक विक्रान्त अधिकारी पदमुक्त भएका छन् ।
अखिल नेपाल फुटबल संघ (एन्फा) को कार्य समितिको निर्णयले आज टिमका एथ्लेटिक्स ट्रेनर अधिकारीलाई पदमुक्त गरेको हो ।
विश्वकप फुटबल २०२२ को दोस्रो चरणको छनोट तथा दक्षिण एसियाली खेलकुद प्रतियोगिता (साग) को तयारीको पहिलो दिननै कडा अभ्यास गराएको भन्दै खेलाडीले असन्तुष्टि जनाएका थिए ।
यसै विषयमा नेपाली फुटबल टिमका गोलकिपर किरण चेम्जोङ र ट्रेनर विक्रान्तबीच विवाद भएको थियो । विक्रान्तले किरणको अनुहारमा तातो चिया खन्याएपछि विवादले उग्ररुप लिएको थियो ।
यो घटनाबारे छानविन गर्न एन्फाले सदस्य मधुसुदन उपाध्यायको संयोजकत्वमा तीन सदस्यीय छानविन समिति गठन भएको थियो । छानविन समितिले बुझाएको प्रतिबेदनको आधारमा विक्रान्तलाई कारबाही स्वरुप पदमुक्त गरिएको र गोलकिपर किरण चेम्जोङलाई सचेत गराएको बताएको छ ।
प्रतिक्रिया 4