२०७६ भदौ २६ गते १८:२६ 
२६ भदौ, काठमाडौं । नेपालका उदियमान ब्याडमिन्टन खेलाडी प्रिन्स दाहालले दुवईमा जारी दुवई जुनियर इन्टरनेशनल ब्याडमिन्टन सेरिजमा पुरुष एकल र मिश्रीत जोडी दुवै तर्फ जित निकाल्न सफल भएका छन् ।
अघिल्लो संस्करणका विजेता प्रिन्सले यु–१९ को एकल खेलको दोश्रो चरणमा दुवईका भर्नूकार्तिक भारथी मोहनलाई पराजित गरेका हुन् । दोश्रो बरियतामा रहेका प्रिन्सले पहिलो चरणमा बाई पाउँदै दोश्रो चरण प्रवेश गरेका थिए । प्रिन्सले बिना बरियताका मोहनलाई २१–८ र २१–१५ को सेटमा पराजित गरेका हुन् । अव उनले तेश्रो चरणमा दुवईका कृष्ण कुमार कौशिकसँग प्रतिस्पर्धा गर्ने छन् ।
त्यस्तै प्रिन्सले मिश्रित जोडीमा पनि जित हात पार्दै अन्तिम आठमा प्रवेश गर्न सफल भएका छन् । प्रिन्सले दुवईमा नै बसोबास गर्दै आइरहेकी महेन्द्रनगरकी सानिया चन्दसँग मिलेर दुवईका नभान नजिव र कारोलिन कोल्कुहोओनलाई २१–१४ र २१–१७ ले पराजित गर्दै अन्तिम आठको यात्रा तय गरेका हुन् ।
प्रतिक्रिया 4