२०७६ कात्तिक १७ गते ७:२५ 
१७ कात्तिक, काठमाडौं । लिग लिडर लिभरपुलले इंग्लिस प्रिमियर लिग फुटबलमा जित हात पारेको छ ।
शनिबार राति भएको खेलमा घरेलु टोली एस्टन भिल्लालाई लिभरपुलले २–१ गोलको संघर्षपूर्ण जित निकालेको हो । अन्तिम समयमा लिभरपुलका लागि एन्डी रोबर्टसन र साडियो मानेले गोल गरे । एस्टन भिल्लाका लागि ट्रेजेक्वेटले गोल गरे ।
ट्रेजेक्वेटले खेलको २१औं मिनेटमा नै गोल गर्दै एस्टन भिल्लालाई अग्रता दिलाएका थिए । उनकै गोलमा एस्टन भिल्ला जितनजिक थियो । खेलको ८६ औं मिनेटसम्म १–० गोलको अग्रतामा एस्टन भिल्लाले खेलिरहेको थियो । लिभरपुल दबावमा थियो ।
तर, खेलको ८७ औं मिनेटमा रोबर्टसनले गोल गर्दै लिभरपुललाई १–१ गोलको बराबरी दिलाए । खेलको अतिरिक्त समयमा मानेले गोल गरेपछि लिभरपुलले २–१ गोलको कठिन जित निकालेको हो ।
यो जितसँगै लिभरपुलले ११ खेलबाट ३१ अंक बनाएको छ । दोस्रो स्थानमा रहेको म्यानचेस्टर सिटीभन्दा ६ अंकले अघि रहेको छ । सिटीको २५ अंक छ ।
प्रतिक्रिया 4