२०७६ कात्तिक २० गते २०:०३ 
२० कात्तिक, काठमाडौं । बी एण्ड आर कप महिला क्रिकेटका लागि नेपाली यू-१९ टिम घोषणा भएको छ ।
डोली भट्टको कप्तानीमा १४ सदस्यीय खेलाडी छनोट भएका हुन् । टिममा कविता कुँवर, कृतिका मरासिनी, यसोदा विष्ट, श्रृष्टी जैसी, राजमती ऐरी, इश्वरी विष्ट, लक्ष्मी साउद, खुशी डंगोल, गोमा आले, ज्योति दनुवार, निगिमा तामाङ, शिला रेग्मी क्षेत्री र लखिता राजवंशी रहेका छन् ।
बैकल्पिक खेलाडीमा हेलिसा लामा गुरुङ, पेमालम्बु शेर्पा र मनिषा राना रहेका छन् । त्यस्तै, मुख्य प्रशिक्षकमा कलाम अली रहेका छन् भने टिम म्यानेजरमा अमृता पौडेल छन् ।
नेपाली टिम यही शुक्रबार चीन प्रस्थान गर्नेछ । ११ नोभेम्बरबाट साइघाईमा सुरु हुने प्रतियोगितामा नेपालसँगै आयोजक चीन, थाइल्यान्ड, साउदी अरेविया, मलेसिया र म्यानमार रहेका छन् ।
प्रतिक्रिया 4