२२ कात्तिक, काठमाडौं । पाकिस्तानले १३औं दक्षिण एसियाली खेलकुद (साग)मा फुटबलमा सहभागिता नजनाउने भएको छ ।
पाकिस्तानले कुल २७ खेलमध्ये १८ खेलमा सहभागिता जनाउँदा फुटबलबाट हात झिकेको हो । योसँगै फुटबलमा ६ देशको मात्रै सहभागिता हुने भएको छ ।
पाकिस्तानले लामो समयदेखि फुटबलमा कम मात्रामा अन्तर्राष्ट्रिय प्रतियोगिताहरुमा सहभागिता जनाउँदै आएको छ । २०१६ गुवाहाटीमा भएको १२औं साग खेलकुदको फुटबलमा नेपालले स्वर्ण पदक जित्दा भारत उपविजेता बनेको थियो ।
पाकिस्तानले फुटबलसँगै क्रिकेट, साइक्लिङ, आर्चरी, फेन्सिङ, जुडो, खोखो, प्याराग्लाइडिङ, र ट्रायथलन खेलमा सहभागिता नजनाउने भएको हो ।
