२९ मंसिर, काठमाडौं । शहीद स्मारक ए डिभिजन लिग फुटबलमा त्रिभुवन आर्मीले सुखद सुरुवात गरेको छ ।
सोमबार भएको आफ्नो पहिलो खेलमा आर्मीले फ्रेन्ड्स क्लबलाई २–१ गोल अन्तरले हराएर ३ अंक जोडेको छ । सातदोबाटास्थित एन्फा कम्प्लेक्समा भएको खेलमा आर्मीले तेस्रो मिनेटमा नै नवयुग श्रेष्ठको गोलबाट अग्रता लिएको थियो ।
दोस्रो हाफमा फ्रेण्ड्सले बराबरी गोल फर्कायो । उसका लागि शक्ति राईले गोल गरे । तर खेलको ८१ औं मिनेटमा दिनेश योन्जनले गोल गर्दै आर्मीलाई २–१ को जित दिलाए ।