३० मंसिर, काठमाडौं । काठमाडौंको दशरथ रंगशाललामा शहीद स्मारक ए डिभिजन लिग हुन छाडेको ५ वर्ष भयो । भूकम्पका कारण क्षतिग्रस्त मैदान पुनर्निर्माणमा समय लाग्दा रंगशालामा फुटबल खेल हुन सकेन । गत वर्षदेखि लिग सुरु भए पनि एन्फा कम्प्लेक्स सातदोबाटो र च्यासल खेलमैदानमा खेलाइएको थियो ।
यही मंसिर १५ देखि २५ सम्म भएको १३ औं दक्षिण एसियाली खेलकुद प्रतियोगिता (साग) अघि दशरथ रंगशाला तयार भयो र पुरुष फुटबलका खेलहरु सञ्चालन भयो । सागलगत्तै सुरु भएको ए डिभिजन लिगका खेलले दशरथ रंगशालामा फुटबल फर्काएको छ ।
तर शनिबार सुरु भएको लिगको सुरुवाती खेलहरुमा दर्शकको संख्या निकै कम छ । हालै राखिएको दशरथ रंगशालाका नयाँ कुर्चीहरु खाली छन् । सोमबार संकटा र च्यासलबीचको खेलमा रंगशालामा दर्शक खासै देखिएनन् ।
हेर्नुहोस् तस्वीरहरु
