काठमाडौं । साविक विजेता म्यानचेष्टर सिटी सहज जितसहित एफए कपको चौथो चरणमा प्रवेश गर्दा म्यानचेष्टर युनाइटेडले भने वल्भ्ससँग फेरी खेल्नुपर्ने भएको छ ।
युनाइटेड र वल्च्सले बराबरी खेलेपछि पुन: खेल हुने भएको हो ।
गएराति भएको तेस्रो चरणको खेलमा सिटीले पोर्ट भालेलाई ४-१ ले पराजित गर्यो । सिटीका लागि फिल फोडेनले एक गोल गर्नुका साथै एक असिस्ट गरे ।
यस्तै जिनचेन्को सर्जियो अगुएरो र हारवुड बेलिसले सिटीका लागि एक-एक गोल गरे । पोर्ट भालेका लागि पोपले एक गोल फर्काए ।
यस्तै प्रिमियर लिगकै लेस्टरले विगान एथ्लेटिकलाई २-० ले पराजित गर्दै चौथो चरणमा स्थान बनाएको छ ।
