३ माघ, काठमाडौं । प्रधानमन्त्रीनिवास बालुवाटारमा सत्तारुढ नेकपा र प्रतिपक्षी दल नेपाली कांग्रेसका नेताहरुको जमघट भएको छ ।
सत्य निरुपण तथा मेलमिलाप आयोगसम्बन्धी छलफल गर्न नेकपा र कांग्रेसका नेताहरु शुक्रबार बिहानै भेला भएका हुन् ।
बैठकमा प्रधानमन्त्री केपी शर्मा ओली, नेकपा अध्यक्ष प्रचण्ड, कांग्रेस सभापति शेरबहादुर देउवा, कांग्रेस नेता डा. मिनेन्द्र रिजाल, सुवास नेम्वाङलगायतका नेताहरु सहभागी छन् ।
सभामुख चयनबारे बेग्लै छलफल
यसैवीच, कांग्रेस नेताहरुसँगको छलफलपछि प्रधानमन्त्री ओली र नेकपा अध्यक्ष प्रचण्डवीच सभामुख चयनका विषयमा बेग्लै छलफल हुँदैछ ।
ओली र प्रचण्डवीच विहीबार पनि बालुवाटारमा करिब दुई घण्टा छलफल भएको थियो । दुई नेतावीचको छलफल सकारात्मक भएको भनिए पनि यससम्बन्धी थप विवरण प्राप्त भएको छैन ।
नेकपा स्रोतका अनुसार ओली र प्रचण्डवीच सभामुखको नाममा टुंगो लागिसकेपछि सचिवालय बैठकले यसलाई अनुमोदन गर्नेछ । त्यसपछि माघ ६ को बैठक अघि उपसभामुख शिवमाया तुम्बाहाम्फेले राजीनामा दिएर सभामुख निर्वाचनको मार्ग प्रशस्त गर्नेछिन् ।
यसैवीच नेपाली कांग्रेसले पनि सभामुखको निर्वाचनबारे छलफल गर्न शुक्रबार दिउँसो संसदीय दलको बैठक बोलाएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4