२६ जेठ, काठमाडौं । भक्तपुरको झौखेलस्थित कालीखोलामा मिनी ट्रक खस्दा चालकको मृत्यु भएको छ । मृत्यु हुनेमा चाँगुनारायण नगरपालिका–३ झौखेलका अन्दाजी ३५ वर्षीय नवराज लाछिवा रहेका छन् ।
आइतबार राति करिब साढे १० बजेको समयमा ब्यासीबाट झौखेलतर्फ जाँदै गरेको महाशक्ति इट्टा भट्टाको बा ५ ख ३११ नम्बरको मिनी ट्रक खोलामा खसेको थियो ।
ट्रकले च्यापिएको अवस्थामा चालकलाई क्रेनको सहायताले उद्धार गरी उपचारका लागि डा. ईवामुरा अस्पताल पु¥याउँदा चिकित्सकले उनलाई मृत घोषणा गरेको प्रहरी नायव उपरीक्षक दिपक गिरीले जानकारी दिए ।
प्रारम्भिक अनुसन्धानको क्रममा लापरबाही तरिकाले तीव्र गतिमा सवारी चलाउँदा अनियन्त्रित भई दुर्घटना भएको गिरीले बताए ।
