६ साउन, रौतहट । रौतहटबाट स्रोत नखुलेको ११ लाख रुपैयाँसहित एकजना पक्राउ परेका छन् । इशनाथ नगरपालिका-४ मठियाबाट सोही ठाउँ बस्ने १९ वर्षीय पवनकुमार सिन्हा पक्राउ परेका हुन् ।
मठिया महुलियाबाट स्रोत नखुलेको उक्त रकमसहित उनलाई नियन्त्रणमा लिइएको रौतहट प्रहरीले जनाएको छ ।
साइकलमा झोला झुण्डाएर आउँदै गरेका सिन्हालाई चेकजाँच गर्ने क्रममा उक्त रकम बरामद भएको र बरामद रकमबारे थप अनुसन्धान भइरहेको रौतहटका प्रहरी उपरीक्षक रविराज खडकाले बताए ।
