१९ कात्तिक, विराटनगर । विराटनगर महानगरपालिकाले कोरोना संक्रमित संक्रमणमुक्त भएको सिफारिस बनाउँदा ५०० रुपैयाँ शुल्क लिने गरेको छ ।
घरमै बसेर कोरोना संक्रमण मुक्त भएकाहरुलाई होम आइसोलेसनमा बसेको प्रमाणित गर्न शुल्क लिन थालेको हो ।
संक्रमणमुक्त भएको सिफारिसका लागि महानगरपालिकाले ५०० रुपैयाँ शुल्क र निवेदन दस्तुरका रुपमा १० रुपैयाँ लिन थालेको हो ।
महामारीको सुरुवाती अवस्थामा महानगरपालिकाले संक्रमण मुक्त भएको सिफारिस गर्दा शुल्क लिएको थिएन । तर पछिल्लो समय शुल्क लिन थालेको हो ।
यसरी सिफरिस बनाउन जानेहरु अधिकांश बिमा दाबी गर्नेहरु रहेको विराटनगर महानगरपालिकाले जनाएको छ ।
बिमा प्रयोजनका लागि सिफारिस दिनुपर्ने भएकाले शुल्क लिन थालेको विराटनगर महानगरपालिकाका प्रवक्ता राजेन्द्र प्रधानले बताए ।
उनका अनुसार होम आइसोलेसनमा बसेको प्रमाणित गर्दा ‘अन्य सिफारिस शीर्षक’ मा ५०० रुपैयाँ र निवेदन दस्तुरका लागि १० रुपैयाँ शुल्क संकलन गरेको हो ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4