प्रणय सप्ताह सुरु भएसँगै शहरको रंग फेरिएको छ । खासगरी रेष्टुरेन्टदेखि व्यापारिक भवनहरु समेत ‘भ्यालेनटाइन थिम’मा सजाइएको छ । यस अवसरमा किशोर एवं युवापुस्तालाई लक्षित गरेर उनीहरुले विभिन्न छुट अफर समेत दिएको छ ।
चावहिलस्थित केएल टावरले भ्यालेनटाइनको मेसो पारेर विभिन्न सामाग्रीको खरिदमा पचास प्रतिशतसम्म छुटको व्यवस्थासहित नौ दिने मेला सुरु भएको छ ।
मेलामा ४० वटा आउटलेटबाट विभिन्न छुट अफर सार्वजनिक गरिएको हो । लत्ताकपडा, विद्युतिय उपकरण लगायतको खरिदमा यस्तो छुट पाइने इभेन्ट नेपालका प्रमुख हीरामणी तिमल्सिनाले बताए । खासगरी मोबाइल, घडी, ब्यागको खरिदमा ५० प्रतिशतसम्म छुट दिइनेछ । पाँच हजारभन्दा बढी मूल्यका सामाग्री खरिद गर्ने ग्राहकले दुई वटा फिल्म टिकट समेत पाउनेछन् ।
भ्यालेनटाइन डेलाई लक्षित इभेन्टमा ग्राहकलाई गुलाबको फूल, बेलुन र क्यान्डीहरु निशुल्क दिएको छ ।
