३ फागुन, काठमाडौं । वालिङ नगरपालिकालाई पराजित गर्दै विराटनगर महानगरपालिका राष्ट्रिय महिला लिग फुटबलको तेस्रो स्थानमा उक्लेको छ ।
सोमबार भएको खेलमा विराटनगरले वालिङलाई १-० ले हरायो । विराटनगरलाई साँघुरो जित दिलाउन आशा कुमारीले एक मात्र गोल गरिन् । उनले खेलको ३५औं मिनेटमा फ्रिकिकमार्फत गरेको गोल नै विराटनगरलाई ३ अंक दिलाउन पर्याप्त बन्यो ।
जितपछि ११ खेलबाट १६ अंक जोड्दै विराटनगर तेस्रो स्थानमा उक्लेको छ । समान खेलबाट १४ अंक रहेको वालिङ चौथो स्थानमा झरेको छ ।
१० खेलबाट ३० अंक जोडेको एपीएफ शीर्ष स्थानमा छ ।
