१६ फागुन, काठमाडौं । शहीद स्मारक बी डिभिजन लिग अन्तर्गत आइतबार भएको दोस्रो खेलमा खुमलटार युथ क्लबले झम्सिखेल युथ क्लबलाई १-० ले पराजित गरेको छ ।
खुमलटारको जितमा महेश राईले निर्णायक गोल गरे । सातदोबाटोस्थित एन्फा कम्प्लेक्समा भएको खेलको तेस्रो मिनेटमै महेशले गोल गर्दै खुमलटारलाई अग्रता दिलाएका थिए ।
त्यसपछि खेलमा थप गोल हुन नसक्दा महेशको गोल ने खुमलटारलाई जित दिलाउन निर्णायक बन्यो ।
जितपछि ८ खेलबाट १९ अंक जोडेको खुमलटारले शीर्ष स्थानको सातदोबाटो युथ क्लबसँग अंक बराबरी गरेको छ । सातदोबाटोले एक खेल कम खेलेको छ ।
समान अंक भएपनि हेड ६ हेडमा खुमलटार पछि पर्दै दोस्रो स्थानमा छ । ८ खेलबाट ६ अंक रहेको झम्सिखेल १०औं स्थानमा छ ।
लिगमा १२ टोलीले प्रतिस्पर्धा गरिरहेका छन् ।
