२७ फागुन, काठमाडौं । बाँकेको कोहलपुर नगरपालिका–११ विद्युत चोकमा गाडीको ठक्करबाट एकजना पैदलयात्रीको मृत्यु भएको छ । भे १ क ११०० नम्बरको गाडीको ठक्करबाट पैदलयात्री सोही ठाउँ बस्ने ३८ वर्षीय जयकण मल्लको बुधबार राति मृत्यु भएको प्रहरीले जनाएको छ ।
गाडीको ठक्करबाट गम्भीर घाइते भएका मल्लको नेपालगञ्ज मेडिकल कलेज कोहलपुरमा उपचारको क्रममा मृत्यु भएको हो । ट्रक र चालकलाई नियन्त्रणमा लिएको प्रहरीले जनाएको छ ।
