+
+

इन्द्रजात्राको लागि मुकुट बनाउने तेजबहादुर

चन्द्रबहादुर आले चन्द्रबहादुर आले
२०७८ भदौ २५ गते १५:३७

२५ भदौ, काठमाडौं । मच्छिन्द्रबहालको सम्मुखमा रहेको एउटा गल्लीभित्र आफ्नै घरमा मुकुट सिँगार्न भ्याइनभ्याइ छ ८३ वर्षीय तेजबहादुर चित्रकारलाई ।

उनले थाहा पाएसम्म ५ पुस्ता भयो हलचोकबाट इन्द्र जात्रामा आउने आकाश भैरव, चण्डी कुमार र चण्डी कुमारीको मुकुट सिँगार्न थालेको पनि । अहिले पनि कुसे औंसीको भोलिपल्टदेखि ११ दिनपछि आउने एकादशीको दिनसम्म उनको पूरा दिन त्यही मुकुट सिँगार्दै बित्ने गर्छ ।

यो मुकुट हलचोकको आकाश भैरव गुठीका गुठीयारहरुले ल्याइदिने गर्छन् । चित्रकारका अनुसार इन्द्रजात्राको मूल दिनमा हलचोकबाट पनि आकाश भैरवको रुपमा हातमा तरबार लिएर जात्रा आउने गर्छ ।

चित्रकारका अनुसार उनले सिँगार्ने गरेको ३ वटा मुकुट हरेक वर्ष कुसे औंसीको भोलिपल्टदेखि एकादशीको दिनसम्म लगाएर सिँगारिन्छ । यो सिँगार्ने काममा चित्रकार एक्लै खटिन्छन् ।

चित्रकारका अनुसार अहिलेको पुस्ताले मुकुट सिँगार्ने काम बिर्सिन लागेको भन्दै नातिलाई यो श्रृंगारको काम सिकाउने गरेका छन् । यी ३ मुकुट हरेक वर्ष सिँगार्ने गरिन्छ भने हरेक १२ वर्षमा मुकुट नै परिवर्तन गर्ने चलन छ ।

लेखकको बारेमा
चन्द्रबहादुर आले

यो खबर पढेर तपाईलाई कस्तो महसुस भयो ?

Khusi
                                chhu

खुसी

Dukhi
                                chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment