+
+

केनको ह्याट्रिकमा टोटनहमको शानदार जित

अनलाइनखबर अनलाइनखबर
२०७८ असोज १५ गते ११:०६

१५ असोज, काठमाडौं। ह्यारी केनको ह्याट्रिक मद्दतमा इंग्लिस क्लब टोटनहमले युरोपा कन्फेरेन्स लिगमा मुरालाई ५-१ ले पराजित गरेको हो ।

समूह जी अन्तर्गत भएको खेलमा टोनहमका लागि केनले दोस्रो हाफमा ह्याट्रिक गर्दै शानदार जित दिलाए । केनले खेलको ६८औं, ७६औं र ८७औं मिनेटमा गोल गरेका थिए। त्यसअघि डेली अलीले चौथो मिनेटमै अग्रता दिलाएका थिए भने आठौं मिनेटमा जिओभानी लो सेल्सोले गोल गरेका थिए।

स्लोभेनियन क्लब मुराका लागि ५२औं मिनेटमा जिगा कोउसले एक गोल फर्काए। समूहमा पहिलो जितपछि टोटनहम २ खेलबाट ४ अंक जोड्दै समूह जी को शीर्ष स्थानमा छ ।

मुरा अंकविहीन रहँदै पुछारमा छ। यसै समूहको अर्को खेलमा रेन्सले भिटेसलाई २-१ ले पराजित गरेको छ । रेन्सको पनि टोटनहम समान ४ अंक नै रहेपनि गोलअन्तरमा पछि रहँदै दोस्रो स्थानमा छ । भिटेज ३ अंकसहित तेस्रोमा छ ।

यो खबर पढेर तपाईलाई कस्तो महसुस भयो ?

Khusi
                                chhu

खुसी

Dukhi
                                chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment