१४ कात्तिक, काठमाडौं । अफगानिस्तान राष्ट्रिय टिमका पूर्व कप्तान असघर अफगानले अन्तर्राष्ट्रिय क्रिकेटबाट सन्यास लिने घोषणा गरेका छन् ।
युएई आईसीसी टी–२० विश्वकप क्रिकेट चलिरहेका बेला अफगानले सन्यास घाेषणा गरेका हुन् ।
सुपर १२ अन्तर्गत आईतबार नामिवियाविरुद्धको हुने खेल नै अन्तिम हुने अफगानले जनाए ।
अफगानिस्तान क्रिकेट बोर्डले उनको सन्यासलाई स्वीकृत गरेको छ ।
नामिवियाविरुद्धको खेलेमा उनले अफगानिस्तानका लागि ७५ औं टी-२० खेल्नेछन् ।
३३ वर्षीय अफगानले ११४ एक दिवसीय र ६ टेस्ट क्रिकेट छन् ।
अफगानले सन् २००९ मा स्कटल्यान्डविरुद्ध खेल्दै एकदिवसीय अन्तर्राष्ट्रिय क्रिकेटमा डेब्यु गरेका थिए ।
यस्तै सन् २०१८ मा अफगानिस्तानले भारतविरुद्ध आफ्नाे पहिलाे टेस्ट खेल्दा उनी कप्तान थिए ।
अफगान कप्तानको रुपमा सबैभन्दा बढी टी-२० क्रिकेट खेल जित्ने खेलाडी हुन् । उनले ४२ खेल जितेका छन् ।
प्रतिक्रिया 4